ပိာ်မုၣ်အဂၤတဆံတကထိစုးဖှိၣ်ရိဖှိၣ်လိာ်သးဒ်သိးသိးလကဟီၣ်ခိၣ်ဒီဘ့ၣ်ဒ်သိးကမၤလိကစၢ်အကလုၢ်ကထါခီဖျိပ Love God Greatly လံာ်စီဆှံတၢ်မၤလိတဖၣ်လၢအဘၣ်တၢ်ကွဲးကျိာ်က့ၤတ ဖၣ်န့ၣ်လီၤ.
ပိာ်မုၣ်တနီၤမၤလိပတၢ်မၤလိတဖၣ်အနီၢ်ကစၢ်ဒၣ်၀ဲတဂၤဧိၤဖဲတနီၤမၤလိသကိးဃုာ်ဒီးလီၢ်က၀ီၤကရူၢ်ကရၢတဖၣ်မ့တမ့ၢ် ကလံၤလၢကရူၢ်တဖၣ်န့ၣ်လီၤ. စးထီၣ်ဖဲတၢ်သူၣ်ထီၣ်ခီဖံၣ်အမုၢ်တဖၣ်လၢခိၣ်လဲၣ်ဘံၣ် ယၣ်( Colombia)ဆူ metropolisesလၢအဂ့ၤဒိၣ်နီၣ်မးလၢ မဲးကစံၣ်ကိၣ်Mexico. စးထီၣ်ဖဲပှၢ်လၢ်တဖၣ်လၢ Venezuela ဆူPatagonia လၢ Argentina, ပိာ်မုၣ်တဖၣ်ဟဲသကိးဒ်သိးသိးတမ့ၢ်ထဲကမၤလိလံာ်စီဆှံအဂီၢ်ဧိၤဘၣ်,မ့မ့ၢ်ဒ်သိးဒီး
ကဃုထံၣ်န့ၢ်တၢ်အဲၣ်တၢ်ကွံဒီးတၢ်မၤဆူၣ်ထီၣ်ဂဲၤထီၣ်ဟ့ၣ်ဂံၢ်ဟ့ၣ်ဘါပှၤအတ၀ၢတဖၣ်ဆူတၢ်မၤဂ့ၤထီၣ်ဒီး
တၢ်မၤဒိၣ်ထီၣ်လဲၣ်ထီၣ်လၢအ၀ဲသ့ၣ်အနီၢ်သးတၢ်အိၣ်မူတဖၣ်အပူၤအဂီၢ်န့ၣ်လီၤ.
“ဖဲပိာ်မုၣ်သ့ၣ်တဖၣ်ဘၣ်တၢ်ကယၢမၤပှဲၤဃာ်သးဒီးတၢ် သ့ၣ်ညါဘၣ်ဃးကစၢ်ယွၤအတၢ်မ့ၢ်တၢ်တီလၢလၢပှဲၤပှဲၤ န့ၣ်ဒီး,ဟီၣ်ခိၣ်အံၤကဆီတလဲပိာ်မုၣ်တဂၤအတၢ်အိၣ်မူတဘျီဘၣ်တဘျီန့ၣ်လီၤ. ”
ယမ့ၢ်ပှၤပတီၢ်မုၢ် ခရံာ်ဖိတဂၤလၢ အလဲထီၣ်ဘါယွၤကိးနွဲဒဲး ဒီးယဒုးဒိၣ်ထီၣ်ယဖိလၢပှၤလၢအအဲၣ်ကစၢ်ယွၤ အတဝၢပူၤလီၤ. မ့ၢ်လၢယဖိသ့ၣ်တဖၣ်အဃိ, ယလဲၤထီၣ်တၢ်ဘါယွၤသရိာ်လၢယအိၣ်ယဆိးအလီၢ် ဒီးယမၤ ဘၣ်ထွဲလိာ်ယသးဒီး Love God Greatly ပယီၤအကျိာ်ဖးဒ့လီၤ. လံာ်စီဆှံအတၢ်မၤလိလၢယမၤလိအဆိ ကတၢၢ်တခါမ့ၢ်ဝဲဒၣ် ဝံဟိၤၡ့န့ၣ်လီၤ.
ဖဲယမၤလိယဲလံာ်စီဆှံအတၢ်မၤလိဖဲ Love God Greatly အခါ, ယမၤလိန့ၣ်ယဲတၢ်အါမံၤဒီး ယပလၢၢ်ဘၣ်ယဲ လၢယအိၣ်ဘူးဒီးယွၤလၢယတၢ်မၤလိယွၤအကလုၢ်ကထါ ကိးဂီၤဒဲးလီၤ. ယတၢ်အဲၣ်ကစၢ်ယွၤ ယံာ်ထီၣ် ဒိၣ်ထီၣ်တနံၤဘၣ်တနံၤ, ဘၣ်တနံၤဖဲ ကျိာ်ဖးဒ့အခိၣ်အနၣ်တဂၤမၢယၤ ဒ်သိးယကကျိာ်ထံက့ၤတၢ်လၢ ကိၤလၤဝါကျိာ်ဆူ ပယီၤကျိာ်လီၤ. အဆိကတၢၢ်, ယတပာ်နၣ်ဟူယသး လၢအဝဲဒၣ်မၢယၤဘၣ်, ဘၣ်ဆၣ် လၢခံကတၢၢ်ယပာ်လီၤယသးလၢ ယကမၤယဲလီၤ.
လၢခ့ခါအဆၢကတီၢ်ဖဲန့ၣ်, ပဝဲကိးဂၤဒဲးပကွၢ်ဆၢၣ်မဲာ်ဘၣ်ဟီၣ်ခိၣ်ဒီဘ့ၣ် တၢ်ဆါသံသတြိာ်လီၤ. ပထံပကီၢ် စ့ၢ်ကီး ဘၣ်တၢ်ကးတံၢ်ဃာ်, ဒီးပဝဲ LGG ကရၢတဖု ပထံၣ်လိာ်ပသးလၢ online လၢမဲာ်သကိးမဲာ် အလီၢ်န့ၣ်လီၤ. ပကွၢ်ဆၢၣ်မဲာ်ဘၣ် သးသမူအတၢ်လီၤမၢ်အါမးလၢအဆၢကတီၢ်အခါဖဲန့ၣ်အဃိ, ယၤဒီးယပှၤ ဟံၣ်ဖိစ့ၢ်ကီးပဘၣ်ကွၢ်ဆၢၣ်မဲာ်ဒီး COVID စ့ၢ်ကီးလီၤ. ယသ့ၣ်နီၣ်ထီၣ်က့ၤတၢ်အဆၢကတီၢ်ဖဲ ပဟးထီၣ် တၢ်ချၢတသ့ဒီးပဒိးန့ၣ်ဘၣ်ကသံၣ်ကသီတသ့ဘၣ်အဆၢကတီၢ်, ဘၣ်ဆၣ်ယတံၤသကိးဖီဒုးအီၣ်ပှၤ ဒီးဟဲစိာ် န့ၣ်ပှၤကသ့ၣ်ကသီလၢပလိၣ်ဘၣ်န့ၣ်လီၤ.
လၢအဆၢကတီၢ်အဝဲန့ၣ်အခါ, ယဒိးသန့ၤထီၣ်ဒၣ်ယသးလၢအစၢ်ယွၤအတၢ်အၢၣ်လီၤအီလီၤအပူၤတခါဧိၤလီၤ. ကစၢ်ယွၤသူတၢ်ဆၢကတီၢ်အဝဲန့ၣ်ဒ်သိးအကိးယၤဘူးထီၣ်ဒီးအီၤလီၤ. ယအိးထီၣ်ယသးဒ်သိး တၢ်လၢကစၢ်ယွၤ အဲၣ်ဒိးမၢယၤတခါလၢ်လၢ်န့ၣ် ယကမၤယဲလီၤ.
အိၣ်ဒၣ်တခါဧိၤလၢ ယဒိးသန့ၤထီၣ်ဒၣ်ယသးလၢအစၢ်ယွၤအတၢ်အၢၣ်လီၤအီလီၤအပူၤတခါဧိၤလီၤ.
ယွၤန့ၣ်ဂ့ၤဝဲလၢ ပဟံၣ်ဖိဃီဖိအဖီခိၣ်ဒိၣ်မး ဒီးဟ့ၣ်က့ၤပှၤတၢ်ခွဲးတၢ်ယာ်လၢ ပကဘျါက့ၤအဂီၢ်လီၤ. တယံာ်ဘၣ်အဆၢကတီၢ်ဘၣ်န့ၣ်, ယကျိာ်ဖးဒ့အခိၣ်အနီၢ်ကစၢ်ဒၣ်ဝဲ စံးဘၣ်ယၤဒ်သိး ယကစးထီၣ် ကျိာ်ဖးဒ့အသီတခါဒ်သိးယကကျိာ်ထံက့ၤလံာ်စီဆှံတအတၢ်မၤလိဆူကညီကျိာ် န့ၣ်လီၤ. ယအၢၣ်လီၤ ယသးလၢယွၤအမဲာ်ညါလၢဖဲဒၣ်အဝဲမ့ၢ်ဘၣ်အသးလၢအဲၣ်ဒိးသူယၤဒီး, ယကမၤယဲန့ၣ်လီၤ. ပစးထီၣ် ပကျိာ်ဖးဒ့ဆံးဆံးဖိ, ဘၣ်ဆၣ်ကစၢ်ယွၤလၢအလၢပှဲၤဒီးတၢ်သူၣ်ကညီၤသးကညီၤတဂၤ မၤအါထီၣ် ပဝဲပိာ်မုၢ်တဖၣ်ဒီးပာ်ဖှိၣ်ပှၤလၢပတၢ်ကရၢကရိတဖုအံၤလီၤ. ယစံးဘျုးကစၢ်ယွၤလၢအဝဲမၤတ့ၢ်တၢ်လၢယဂီၢ်ဒီး အဝဲဟ့ၣ်တ့ၢ်ယၤတၢ်တခွဲးအယာ်ဒ်သိးယကမၤတၢ်လၢအဂီၢ်ခီဖျိ Love God Greatly န့ၣ်လီၤ.
မ့တမ့ၢ်လၢကစၢ်ယွၤအဃိဘၣ်ဒီး, ယတမ့ၢ်ဘၣ်တၢ်နီတမံၤဘၣ်, ဒီးယသ့ၣ်ညါလၢအဝဲ ကဟုကယာ်ယၤန့ၣ်လီၤ.
ပှဲၤဒီးတၢ်ဆၢဂ့ၤအါ,
နီၢ်မူဘံၢ်
တၢ်အဲၣ်ယွၤဒိၣ်ဒိၣ်ကလဲာ်စးထီၣ်လၢ တၢ်ဖးလံာ်စီဆှံစရီ ရဲၣ်လီၤသး ယိယိဖိတခါလီၤ. ဘၣ်ဆၣ် ပတအိၣ်ကတီၢ်ဖဲန့ၣ်ဘၣ်. ပသးအိၣ် ပာ်ဖှိၣ်လိာ်သးလၢ ဟံၣ်ဒီးတၢ်အိၣ်ဖှိၣ်လၢဘၢၣ်က၀ီၤပူၤ, ဖဲ တဘျီဃီ ဆဲးကျိးလိာ်သးဒီးပိာ်မုၣ်အဂၤတဖၣ်လၢ ဟီၣ်ခိၣ်ဒီဖျၢၣ်ခီဖျိ လၢအ့ထၢၣ်နဲးအလိၤလီၤ.
ပသ့ၣ်ညါလၢနအဲၣ်ဒိးမၤ၀ဲတၢ်လၢအလီၤဆီန့ၣ်လီၤ! ဟဲမၤသကိးဃုာ်တၢ်ဒ်သိးသိးဒီး Love God Greatly လၢတၢ်သးခုကစီၣ်အတၢ်မၤအပူၤဒ်သိးပကဂုာ်ကျဲးစၢးမၤတၢ်လၢ အဘၣ်ဃးဒီးလံာ်စီဆှံ တၢ်တသ့ကွဲးသ့ဖးလၢပနၢ်တပၢၢ်သ့ၣ်တဖၣ် လၢဟီၣ်ခိၣ်ဒီဘ့ၣ်အပူၤ, ဒီးဟ့ၣ်ထီၣ်တၢ်မၤလိလံာ်စီဆှံတၢ်တိစၢၤမၤစၢၤလၢကျိာ်တဖၣ်လၢပဟ့ၣ်ထီၣ်သ့န့ၣ်တက့ၢ်.
ဒ်ပမၢ့်တၢ်ကရၢကရိလၢတအိၣ်ဒီးတၢ်ကွၢ်စိလၢကမၤန့ၢ်တၢ်န့ၢ်ဘျူးအသိး, Love God Greatly အိၣ်ထီၣ်၀ဲမ့ၢ်လၢပိာ်မုၣ်တဖၣ်လၢအသူၣ်ဂ့ၤသး၀ါတဖၣ်ဒ်သိးဒီးနၤ လၢအဃုထၢ၀ဲလၢကဟ့ၣ်လီၤဒိးသူအသးလၢတၢ်ဂ့ၢ်တၢ်ကျိၤနီၢ်နီၢ်သ့ၣ်တဖၣ်အဃိန့ၣ်လီၤ.
တၢ်ဟ့ၣ်မၤစၢၤကိးမံၤဒဲးန့ၣ်အိၣ်ဒီးတၢ်န့ၢ်ဘျူးလၢတၢ်လီၤထူလီၤယိာ်အဂီၢ်န့ၣ်လီၤ!
